Сайта кӗр | Регистраци | Сайта кӗрсен унпа туллин усӑ курма пулӗ
 +23.3 °C
Ҫӗнӗ шӑпӑр ҫӗнӗлле шӑлать.
[ваттисен сӑмахӗ]
 

Хыпарсем: Вӑрнар районӗ

Пӑтӑрмахсем
21.rosguard.gov.ru сӑнӳкерчӗкӗ
21.rosguard.gov.ru сӑнӳкерчӗкӗ

Чӑваш Енри пӗр ялта пурӑнакан арҫын утӑ ҫулма тухса граната курнӑ. Вӑрнар муниципаллӑ округӗнчи Кульцав ялӗнче пурӑнакан ҫын хӑй асӑрханӑ япала пирки тӳрех йӗрке хуралҫисене пӗлтернӗ.

Вырӑна Росгвардин ОМОН ӗҫченӗсем пырса ҫитнӗ. Граната вӗренмеллискер пулнӑ иккен.

Граната хӑҫантанпа унта выртнине калама йывӑр, вӑл тутӑхма ӗлкӗрнӗ.

Йӗрке хуралҫисем ун пек япалана курсан тӳрех хӑйсене систерме сӗнеҫҫӗ.

 

Вӗренӳ
rcz.rchuv.ru сӑнӳкерчӗкӗ
rcz.rchuv.ru сӑнӳкерчӗкӗ

Вӑрнар муниципаллӑ округӗнчи Туҫи Ҫармӑсри шкула вӑхӑтра юсаса пӗтермен.

Тӗплӗ юсав епле пынине вырӑнти прокурор, Сергей Парамонов, тӗрӗсленӗ. Муниципалитет алӑ пуснӑ контрактпа килӗшӳллӗн, ӗҫе «Евростандарт21» организаци пурнӑҫлать. Ӗҫе кӑҫалхи ҫӗртме уйӑхӗн 3-мӗшӗ тӗлне вӗҫлемелле пулнӑ.

Надзор органӗ ӗҫе хӑвӑртлатмалли пирки унччен пӗрре асӑрхаттарнӑ-ха. Апла пулин те туса пӗтерменни самай иккен.

 

Ял пурнӑҫӗ
"Контактри" сӑн
"Контактри" сӑн

Вӑрнар муниципаллӑ округӗнчи Малтикас ялӗнче пурӑнакансем айккинчен пулӑшу кӗтсе ларман. Тытнӑ та хӑйсемех кӗпер туса лартнӑ.

Паллах, ӑна укҫасӑр тӑваймастӑн. Ял ҫыннисем укҫа пухса стройматериалсем илнӗ. Унтан арҫынсем кӗпере туса лартнӑ. Кӗпере тума 40 пин тенкӗ тухса кайнӑ.

Хыпар ҫӑлкуҫӗ: https://vk.com/wall-143818234_381805
 

Республикӑра
"Контактри" сӑн
"Контактри" сӑн

Йӗпреҫ муниципаллӑ округӗнче вӑрман хуҫалӑхӗн ӗҫченӗсем тупӑшнӑ. 12 ӑста хӑйсен пӗлӗвне, ӑсталӑхне тӗрӗсленӗ.

Чи лайӑххин ятне Иван Кадыков ҫӗнсе илнӗ. Вӑл Вӑрнарти вӑрман хуҫалӑхӗнче вӑрмана сыхлакан патшалӑх инспекторӗнче ӗҫлет. Ҫӗнтерӳҫе кубокпа тата дипломпа кӑна чысламан. Ӑна хаклӑ парне те, бензопӑчкӑ, панӑ.

Иккӗмӗш вырӑна Шупашкар округӗнчи вӑрман хуҫалӑхӗн вӑрмана сыхлакан тата хӳтӗлекен инспектор Станислав Васильев тивӗҫнӗ. Виҫҫӗмӗш вырӑна Комсомольскинчи вӑрман хуҫалӑхӗн ӗҫченӗ Эдуард Павлов тухнӑ.

Хыпар ҫӑлкуҫӗ: https://vk.com/chuv_kray
 

Республикӑра
cap.ru сайтри сӑн
cap.ru сайтри сӑн

Ҫак кунсенче Канаш округӗнчи сунар базинче сунар йыттисен куравӗ пулнӑ. Вӑл кӑҫалхипе 65-мӗш хут иртнӗ.

Мероприятие Канаш, Шупашкар, Ҫӗмӗрле хулисенчи, Елчӗк, Йӗпреҫ, Красноармейски, Вӑрнар, Патӑрьел округӗсенчи, Мӑкшӑ, Тутар республикисенчи, Чулхула тата Чӗмпӗр облаҫӗсенчи 57 йытӑ хутшӑннӑ. Паллах, вӗсен хуҫисем те пулнӑ.

Курва ҫулсерен сунар йыттисен пахалӑхне палӑртас, ӑратлӑ производительсене суйлас, ҫитӗнӗвӗсене кӑтартас, опытпа ылмашӑнас тӗллевпе ирттереҫҫӗ.

 

Сывлӑх

Вӑрнар округӗнчи «инфекционка» кӑҫал ҫулталӑк вӗҫлениччен ӗҫлемӗ. Унта юсав ӗҫӗсем тӑвӗҫ.

Пульницӑна ҫӗнетнӗ вӑхӑтра пациентсене Канаш округӗнчи Шӑхасанти пульницӑна илсе кайӗҫ. Палӑртмалла: ку «инфекционкӑна» 1993 ҫулта хута янӑ. Унта 16 бокс пур. Пӗри хӑрушӑ инфекципе чирлекен пациентсем валли. 2013 ҫулта инфекци уйрӑмӗнче тӗплӗ юсав ирттернӗ ӗнтӗ. Ун чухне канализацие, водопровода, электрикӑна улӑштарнӑ.

 

Республикӑра
"Чӑваш Ен" ПТРК тунӑ видео скринӗ
"Чӑваш Ен" ПТРК тунӑ видео скринӗ

Ака уйӑхӗнче Мускаври «Центр» шырав отрячӗн хастарӗсем Ржев хули ҫывӑхӗнче каска тата медальонри документсен пӗр пайне тупнӑ. Вӗсем тӑрӑх салтакӑн ятне-шывне палӑртнӑ. Вӑл - Вӑрнар районӗнчи Эпшик ялӗнче ҫуралнӑ Михаил Игнатьевӑн. 1942 ҫулта 19-ти Михаил фронта кайнӑ, тӳрех «Ржев мясорубкине» лекнӗ, унта пуҫ хунӑ.

Чӑваш Енри «Веда» отряд шыравҫисем салтак виллин юлашкине республикӑна илсе ҫитерме пулӑшнӑ. Ҫу уйӑхӗн 5-мӗшӗнче паттӑр салтака тӑван ялӗнче чыслӑн пытарнӑ. Палӑртмалла: Эпшик ялӗнчен 77 ҫын Тӑван ҫӗршывӑн вӑрҫине тухса кайнӑ. Вӗсенчен 38-шӗ каялла таврӑнман.

Халӗ чӑваш шыравҫисем Волгоград облаҫӗнче ӗҫлеҫҫӗ. Вӗсем 5 салтак юлашкине тупнӑ. Хальлӗхе вӗсен ятне-шывне палӑртайман-ха.

 

Пӑтӑрмахсем
21.мвд.рф сӑнӳкерчӗкӗ
21.мвд.рф сӑнӳкерчӗкӗ

Ҫу уйӑхӗн 2-мӗшӗнче, каҫхине, Вӑрнар тӑрӑхӗнче «Форд Мондео» автомобиль рулӗ умӗнче ӳс водитель ларса пыни пирки йӗрке хуралҫисене систерекен пулнӑ.

Асӑннӑ хыпара тӗрӗслеме 22 сехет те 10 минутра «Никольски-Етӗрне-Нурӑс» ҫул ҫине патшалӑхӑн ҫул-йӗр хӑрушсӑрлӑхӗн Вӑрнарти пайӗн ӗҫченӗсем тухнӑ. Вӗсем машинӑна чарӑнма ыйтнине водитель пӑхӑнман. Хирӗҫ килекен ҫулпа пынӑ май йӗрке хуралҫисен машини ҫине пырса кӗнӗ. Ҫав самантра машинӑра йӗрке хуралҫи те пулнӑ.

Инкек хыҫҫӑн шалти ӗҫсен пайӗн виҫӗ ӗҫченне больницӑна илсе кайнӑ, вӗсенчен пӗрне кайран киле янӑ, иккӗшне больницӑна вырттарнӑ.

«Форд Мондео» автомобиль рулӗ умӗнче Патӑрьелте пурӑнакан, ниҫта та ӗҫлемен 43 ҫулти арҫын пулнӑ.

Хыпар ҫӑлкуҫӗ: https://21.мвд.рф/
 

Республикӑра
mintrud.cap.ru сӑнӳкерчӗкӗ
mintrud.cap.ru сӑнӳкерчӗкӗ

Вӑрнар районӗнчи Сӑкӑт ялӗнче пурӑнакан Михаил Николаев пӗчченех кун кунласа каҫ ирттерет. 73 ҫулти мучин пӗр куҫӗ курмасть.

Пӗччен пурӑнсан та ватӑ ҫын хӑйне мӗнпе те пулин хавхалантарма тӑрӑшать. Ватӑ ҫын кроссвордсемпе сканвордсем шӗкӗлчеме юратать.

Ун патне килсе тӑракан курман-илтмен мӑнукӗн ҫырӑвӗсем вара ватӑ ҫыншӑн чун уҫҫи.

«Ҫыру ҫӳретекен мӑнук» волонтёр программине «Старость в радость» (чӑв. Ватлӑх савӑнма) ыркӑмӑлӑх фончӗ пуҫарнӑ. Асӑннӑ фонд ӗҫченӗ Екатерина Чуйкина пӗччен пурӑнакан мучипе ҫыру ҫӳретет.

Асӑннӑ фонд ун пек программӑна ҫӗршывӗпех пурнӑҫа кӗртет. Вӑрнар тӑрӑхӗнчи мучие Екатерина нумаях пулмасть тӗрлӗ журнал ярса панӑ.

 

Пӑтӑрмахсем
"Про Город" сайтри сӑн
"Про Город" сайтри сӑн

Паян Вӑрнар муниципалӑ округӗнче Кивкассипе Пуканкасси ялӗсен хушшинче апат-ҫимӗҫ тиенӗ Газель аварие лекнӗ. Вӑл ҫулран пӑрӑнса кювета чӑмнӑ.

Ҫакна курнӑ ҫынсем каланӑ тӑрӑх, грузовик водителӗ тепӗр машинӑпа ҫапӑнас мар тесе руле пӑрнӑ та кювета чӑмнӑ. Машина ҫаврӑнса ӳкнӗ. Водитель шар курман. Вырӑна Росгварди, ҪҪХПИ инспекторӗсем ҫитнӗ.

Хыпар ҫӑлкуҫӗ: https://pg21.ru/news/95198
 

Страницӑсем: 1, 2, 3, 4, [5], 6, 7, 8, 9, 10, 11, 12, 13, 14, 15, ... 81
Orphus

Баннерсем

Шутлавҫӑсем

0 Хурал кӗтесӗ (чат)

Ҫанталӑк

Шупашкарта ҫывӑх вӑхӑтра (10.07.2025 21:00) уяр ҫанталӑк, атмосфера пусӑмӗ 752 - 754 мм, 23 - 25 градус ӑшӑ пулӗ, ҫил 0-2 м/ҫ хӑвӑртлӑхпа кӑнтӑр-хӗвелтухӑҫ енчен вӗрӗ.

Гороскоп

СурӑхВӑкӑрЙӗкӗрешРакАрӑсланХӗрТарасаСкорпионУхӑҫӑТу качакиШывтӑканПулӑсем
Сурӑх: Ку эрнере ертӳлӗхпе калаҫу ӑнӑҫлӑ сыпӑнӑ. Ҫавна май карьера картлашкипе хӑпарма пултаратӑр е шалу ӳсӗ. Официаллӑ учрежденисенчен пулӑшу ыйтма ӑнӑҫлӑ эрне. Коллективра ӗҫтешсемпе ӑнланманлӑх, хирӗҫӳ сиксе тухнӑ тӑк халӗ шӑпах уҫӑ калаҫу йӗркелеме, ыйтусене мирлӗ татса пама лайӑх вӑхӑт.

Утӑ, 10

1928
97
Айзман Станислав Николаевич, актёр тата режиссёр ҫуралнӑ.
1961
64
Медведев Геннадий Павлович, Чӑваш Республикин тава тивӗҫлӗ артисчӗ ҫуралнӑ.
1968
57
Коновалов Николай Дмитриевич, чӑваш журналисчӗ ҫуралнӑ.
Пулӑм хуш...Пулӑм хуш...

Ыйтӑм

Чӑваш йӑли тӑрӑх хӑнана пынӑ арҫынна камӑн ӑсатмалла?
хуҫин ҫитӗннӗ ачисем
кил-йышри арҫын
хуҫа хӑй
пӗтӗм кил-йышпа тухаҫҫӗ
ӑсатма тухни — ҫылӑх, юрамасть
хӑнана ӑсатма никам та тухмасть
хуть те кам тухсан та
хӑни ҫулне ахаль те пӗлет, ӑсатмасӑр та
хуҫа тарҫи
хуҫа арӑмӗ